Bıyl Ózbekstanǵa saıahattap barǵan qazaqstandyqtardyń sany 35% azaıdy

TAShKENT. KAZINFORM – Bıyl qańtar-aqpan aılarynda 155,9 myń qazaqstandyq Ózbekstanǵa saıahattap barǵan, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan Statıstıka agenttiginiń málimetine saı, ótken jyldyń sáıkes kezeńimen salystyrǵanda bıyl qazaqstandyq týrısterdiń sany 85,5 myń adamǵa nemese 35,4%-ǵa azaıdy.

Qosa ketsek, bıyl qańtarda em alý maqsatynda Ózbekstanǵa 7 myńnan astam sheteldik kelgen. Onyń ishinde 4,8 myń adam Tájikstan azamaty bolsa, dertine daýa izdegen taǵy 1 myńnan astamy qazaqstandyq.

Eske sala keteıik, ótken jyldyń qańtar-jeltoqsan aılary aralyǵynda 1,2 mln qazaqstandyq Ózbekstanǵa týysqandarymen kórisý úshin barǵan.