Bıyl Ózbekstan ishki jalpy ónim kólemin 130 mlrd dollarǵa jetkizýge nıetti
TAShKENT. KAZINFORM – Ózbekstan bıligi jyl sońyna deıin eldiń ishki jalpy ónim kólemin 130 mlrd dollarǵa jetkizýdi josparlap otyr. Bul týraly prezıdent Shavkat Mırzıeevtiń tóraǵalyǵymen ótken keńeste málim boldy, dep habarlaıdy Kazinform agenttiginiń menshikti tilshisi.
Ózbekstan prezıdenti Ustazdar men tálimgerler kúni merekesine oraı pedagogtermen kezdesip, bilim salasyn jáne el ekonomıkasyn damytýǵa qatysty josparlaryn jarııalady.
- Keıingi 8 jylda el ekonomıkasy 2 ese ósti. Ústimizdegi jyldyń sońyna deıin ishki jalpy ónim kólemi 130 mlrd dollarǵa jetedi. Ekonomıkalyq ilgerileý aıasynda bilim men ǵylymǵa bólinetin qarajat 6 ese, ıaǵnı 378 trln sýmǵa deıin ósti. Aldaǵy ýaqytta da bilim berý sapasyn arttyrý, muǵalimder men tálimgerlerdiń eńbek jáne turmys jaǵdaıyn jaqsartý úkimettiń erekshe nazarynda bolady, - dep atap ótti Shavkat Mırzıeev.
Sonymen qatar oqýshylardy mamandyqtarǵa erte baǵdarlaý maqsatynda 9 jáne 11 synyptar úshin biryńǵaı memlekettik emtıhan engiziledi. ıAǵnı, testileý barysynda bilim alýshylar tańdaıtyn pánder tereńdetip oqytalady.
Qosa keteıik, 2026 jyldan bastap ózbekstandyq oqýshylarǵa jasandy ıntellekt negizderin oqytý josparlanyp otyr.
Munymen birge, bıyl qańtar-maýsym aılary aralyǵynda Ózbekstannyń ishki jalpy ónimi 7,2 paıyzǵa ósti.
Buǵan deıin habarlaǵanymyzdaı, byltyr Ózbekstannyń ishki jalpy ónim kólemi 115 mlrd dollarǵa jetti.
