Bıyl Ózbekstan men Iran úkimetaralyq komıssııanyń kezekti otyrysyn ótkizedi
TAShKENT. KAZINFORM – Ózbekstannyń ınvestıtsııa, ónerkásip jáne saýda mınıstri Lazız Kýdratov pen Irannyń ónerkásip jáne saýda mınıstri Seıed Mohammad Atabak úkimetaralyq komıssııasynyń 17-shi otyrysyn ótkizýge ýaǵdalasty, dep habarlaıdy Kazinform agenttiginiń Tashkenttegi menshikti tilshisi.
Taraptardyń kezdesýi Bishkekte ótken ShYU ónerkásip mınıstrleriniń IV keńesi aıasynda uıymdastyryldy. Onyń barysynda vedomstvo basshylary saýda-ekonomıkalyq yntymaqtastyqty nyǵaıtý, ónerkásiptik kooperatsııany ilgeriletý jáne logıstıka máselelerin talqylady.
- Kelissóz nátıjesinde Ózbekstan-Iran úkimetaralyq komıssııasynyń 17-shi otyrysyn ótkizý týraly ýaǵdalastyqqa qol jetkizildi. Іs-shara 2026 jyldyń tórtinshi toqsanynda ótedi, - delingen Ózbekstannyń ınvestıtsııa, ónerkásip jáne saýda mınıstrligi tartqan habarlamada.
Qosa ketsek, taıaýda Ózbekstan DSU-ǵa qosylý boıynsha Úndistanmen aradaǵy kelissózdi aıaqtady.
Sondaı-aq, jaqynda «Qytaı — Qazaqstan — Ózbekstan — Aýǵanstan» baǵytyndaǵy alǵashqy konteınerlik poıyz jolǵa shyqty.
