Bıyl Ózbekstan eksport kólemin 30 mlrd dollardan asyrýǵa nıetti

TAShKENT. KAZINFORM – Investıtsııa men eksport máseleleri qaralǵan keńeste Ózbekstan prezıdenti Shavkat Mırzıeev osyndaı tapsyrma berdi, dep habarlaıdy Kazinform agenttiginiń menshikti tilshisi. 

Ózbekstan basshysynyń baspasóz qyzmetinen málim etkendeı, eksportty arttyrý úshin toqyma jáne elektrotehnıka ónerkásibine ekpin jasalady. Osyǵan baılanysty atalǵan sektorlardy qoldaýǵa baǵyttalǵan sharalar qabyldanbaq. 

– Atap aıtqanda, eksporttaýshylardy qoldaý maqsatynda jeke faktorıngtik uıym qurylyp, oǵan $100 mln bólinedi. Óndirisin halyqaralyq standartqa sáıkestendirgen kásiporyndardyń 20 myń dollarǵa deıingi shyǵyny óteledi. Zertteý ortalyqtaryna arnalǵan zerthanalyq jabdyqtarǵa kedendik baj salynbaıdy. Sonymen qatar, jergilikti ónimderdi ózge naryqtarǵa shyǵarý úshin 2 mln dollar baǵyttalady, - dep atap ótti Ózbekstan prezıdentiniń baspasóz qyzmetinen.

Buǵan deıin habarlaǵanymyzdaı, Ózbekstannyń Dúnıejúzilik saýda uıymyna qosylý protsesi aıaqtalýǵa jaqyn.

Eske salaıyq, bıyl Ózbekstan $43 mlrd ınvestıtsııany ıgerýdi josparlap otyr.

Sonymen qatar Ózbekstan bıligi eldegi kedeılik deńgeıin 6% deıin tómendetýge nıetti.

Munymen birge Ózbekstan bıligi qosylǵan qun salyǵynyń mólsherin 2028 jylǵa deıin kótermeıdi.