Bıyl Ózbekstan ekonomıkasynyń ósimi 8%-dan joǵary bolady
TAShKENT. KAZINFORM – Boljamǵa saı, bıyl eldiń ekonomıkalyq ósimi 8 paıyzdan joǵary bolady. Bul týraly Peterbýrg halyqaralyq ekonomıkalyq forýmynda sóz sóılegen kórshiles eldiń prezıdenti Shavkat Mırzıeev aıtty, dep habarlaıdy Kazinform agenttiginiń Tashkenttegi menshikti tilshisi.
— Osydan on jyl buryn biz Jańa Ózbekstandy qurýǵa kiristik. Bul jolda biz ashyqtyq pen pragmatızm qaǵıdatyna basymdyq berdik. Osy ýaqyt ishinde elimizdiń ekonomıkasy 50 mlrd dollardan 147 mlrd dollarǵa deıin ulǵaıdy. Bıyl ishki jalpy ónim kóleminiń ósimi 8 paıyzdan joǵary bolatynyn boljap otyrmyz. Memleketimizde aýqymdy reformalar bastalǵannan beri 150 mlrd dollardan astam sheteldik ınvestıtsııa tartyldy, - dedi Shavkat Mırzıeev.
Onyń aıtýynsha, el basshylyǵy «Ózbekstan - 2030» damý strategııasy aıasynda jumysty jalǵastyra bermek. Tıisinshe, osy kezeńge qaraı el ekonomıkasynyń kólemin 240 mlrd dollarǵa jetkizý josparlanǵan.
Eske salaıyq, búgin Sankt-Peterbýrg qalasynda Ózbekstan basshysy Shavkat Mırzıeev pen Reseı prezıdenti Vladımır Pýtın kezdesip, beınebaılanys arqyly Jızaq oblysyndaǵy AES qurylysyn bastaýǵa ruqsat berdi.
Buǵan deıin habarlaǵanymyzdaı, úsh aıda Ózbekstan ekonomıkasynyń 2,8 mlrd dollary kóleńkede qaldy.
