Bıyl «Ortalyq Azııa – Eýroodaq» sammıti Ózbekstanda ótedi

TAShKENT. KAZINFORM — Eýroodaq pen Ortalyq Azııa elderiniń sammıti 2025 jyldyń sáýirinde Samarqanda ótedi, dep habarlaıdy Kazinform agenttiginiń menshikti tilshisi.

Bul týraly Eýroodaqtyń Ózbekstandaǵy elshisi Toıvo Klaarmen kezdesken kórshiles el prezıdentiniń kómekshisi Saıda Mırzıeeva málim etti.

— Toıvo Klaar myrza áıelderdiń quqyǵyn qorǵaý jáne olarǵa jańa múmkindik usynýǵa baǵyttalǵan eldegi ózgeristerdi joǵary baǵalady. Sondaı-aq, ol Ózbekstan óziniń baı tarıhyna qurmetpen qaraıtynyn jáne ulttyq biregeılikti nyǵaıtýǵa asa kóńil bóletinin atap ótti, — dep jazdy Saıda Mırzıeeva óziniń Telegram arnasynda.

Aıta keteıik, byltyr qyrkúıekte Shavkat Mırzıeev «Ortalyq Azııa — Eýroodaq» formatyndaǵy kezekti sammıtti Ózbekstanda ótizýdi usynǵan bolatyn.

Qosa ketsek, Eýroodaqtyń ǵylymı zertteýlerdi qarjylandyrý baǵdarlamasy Ortalyq Azııamen yntymaqtastyqty jalǵastyrmaq.