Bıyl orman sharýashylyǵyna qansha qarjy bólinetini belgili boldy
ASTANA. KAZINFORM – Bıyl elimizdegi orman sharýashylyǵy mekemelerine 55 mlrd teńge kóleminde qarjy bólý kózdelgen. Bul týraly QR Ekologııa jáne tabıǵı resýrstar vıtse-mınıstri Jomart Álıev aıtty.
– 2024 jyly «Jasyl damý» AQ Ónerkásipti damytý qoryna 120,5 mlrd teńge aýdardy, onyń ishinde 117 mlrd teńge arnaıy tehnıkalardyń jeńildetilgen lızıngisin qarjylandyrýǵa baǵyttaldy. Osy qarajat esebinen TJM, Qorǵanys mınıstrligi, orman sharýashylyq mekemeleri men óńirlerdiń qajettilikterine 1 259 birlik tehnıka satyp alyndy, - dedi ol OKQ alańynda.
Sondaı-aq vıtse-mınıstr bıyl orman sharýashylyǵy mekemelerine bólinetin qarjy qalaı jumsalatynyn aıtty.
– 2025 jyly orman sharýashylyq mekemelerin 55 mlrd teńge kóleminde qarjylandyrý kózdelgen. Bul qarajat orman daıyndaý tehnıkasyn satyp alýǵa, órtti erte anyqtaý júıelerin engizýge, jabyq tamyr júıesi bar orman kóshetterin ósiretin pıtomnıkter salýǵa, ormandardy qalpyna keltirýge baǵyttalatyn bolady, - dedi Jomart Álıev.
Vıtse-mınıstr buǵan deıin elimizde iri kásiporyndardyń zııandy shyǵaryndylary 6% azaıǵanyn aıtty.
Sondaı-aq iri qalalarda turmystyq qaldyqtardy óńdeıtin 65 zaýyt salý jobasy jaıly málimet berdi.