Bıyl oqýshylardyń sabaq kezinde smartfon ustaýyna qatysty aıyppul salyndy ma

ASTANA.KAZINFORM – Elimizde sabaq kezinde uıaly telefon ustaýǵa bolmaıdy. Bul talap qanshalyqty oryndalyp jatyr? Osy suraqqa Oqý-aǵartý birinshi vıtse-mınıstri Maıra Meldebekova jaýap berdi.

- Jalpy, sabaq kezinde qoldanýǵa tyıym salyndy. Eger oqý protsesinde aqparattyq tehnologııalar aıasynda túrli kontentti paıdalaný, elektrondy oqýlyqtar nemese túrli qosymshalardy ashý kerek bolsa, muǵalimniń josparymen smartfondy qoldanýǵa bolady, - dedi M. Meldebekova Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, oqýshylardyń osy talaptardy oryndamaýyna qatysty muǵalimderden shaǵym túspegen. 

- Sonymen qatar, tıisti shekteýge qaramastan oqýshylardyń sabaq kezinde smartfon ustaýyna qatysty ata-analaryna aıyppul salý derekteri tirkelmedi, - dedi vıtse-mınıstr.

Buǵan deıin Oqý-aǵartý birinshi vıtse-mınıstri zańnamadaǵy tıisti shekteýge qaramastan oqýshylar mektepte smartfon paıdalansa, ata-anasyna aıyppul salynatynyn aıtty.

Oqý-aǵartý mınıstrliginiń habarlaýynsha, ákimshilik istiń hattamasyn bilim salasynda sapany qamtamasyz etý departamentteri toltyrady.