Bıyl Nıý-Iorktiń áıgili sahnasy Madison Square Garden-de Dımashtyń kontserti ótedi
ALMATY. KAZINFORM — Almatyda Dımash Qudaıbergenniń fan-kezdesýi ótip jatyr.
Kezdesý barysynda ol Nıý-Iorktiń áıgili Madison Square Garden kesheninde «Stranger» kontsertin ótkizetinin jarııalady. Kontsert osy jyldyń 5 qarashasyna josparlanǵan.
Buǵan deıin Dımash Qudaıbergenniń «Stranger» týry Barselona, Berlın, London, Rıga qalalarynda ótetini habarlanǵan bolatyn.
Sondaı-aq «Balqadısha» ánin tatamıde oryndap áleýmettik jelide tanymal bolǵan Isa Bekbolat Dımashtyń arnaıy shaqyrtýymen ónerpazdyń búgingi fan-kezdesýine keldi. 14 jastaǵy Isa alǵash ret úlken sahnada — Almaty Arena-ǵa jınalǵan 8 myńnan astam adamnyń aldynda án saldy. Dımash Qudaıbergen jas ónerpazǵa óziniń aq-tilegin aıtty.
Búgin Dımash Qytaı telearnasy kórsetetin ánshiler baıqaýynyń prodıýseri bolatynyn habarlady.
Sonymen qatar ol Almatyda ótken fan-kezdesýinde jankúıerleriniń suraqtaryna jaýap berdi.
Buryn Dımashtyń búgingi fan-kezdesýine 40-tan astam elden jankúıerler kelgenin jazǵanbyz.
Osy aıda Dımash Qudaıbergen belgili qazaq aqyny ári jazýshysy, qazaq ádebıetiniń negizin salýshylardyń biri Sáken Seıfýllınniń ánine túsirilgen jańa beınebaıannyń tusaýyn kesti.