Bıyl múgedektigi bar adamdar portal arqyly 467 myńnan astam qyzmet aldy

ASTANA. KAZINFORM - 2025 jyldyń basynan bastap Áleýmettik qyzmetter portaly (budan ári – Portal) arqyly múgedektigi bar adamdardyń 467,3 myń tapsyrysy oryndaldy, dep habarlaıdy QR Eńbek jáne halyqty áleýettik qorǵaý mınıstrliginiń baspasóz qyzmeti.

Atalǵan qyzmtterdiń ishinde: ońaltýdyń tehnıkalyq quraldaryna (budan ári – OTQ) shamamen 345,8 myń múgedektigi bar adam ońaltýdyń tehnıkalyq quraldaryn (budan ári – OTQ), 8,5 myń – ymdaý tili qyzmetin, 25,9 myń – jeke kómekshiniń, 87,1 myń – sanatorıılik-kýrorttyq emdeý qyzmetin aldy.

Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.

Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.

Búginde Portalda 629 arnaýly áleýmettik qyzmet kórsetýshi, 1045 OTQ jetkizýshisi, 32 myńnan astam jeke kómekshi, 751 ymdaý tili jáne 134 sanatorıılik-kýrorttyq emdeý qyzmetterin usynýshy tirkelgen.

Portaldy paıdalaný boıynsha konsýltatsııalardy qoldaý baılanys ortalyǵynan, ıaǵnı 1414 biryńǵaı nómiri arqyly habarlasýǵa bolady.

Osyǵan deıin 2025 jyly áleýmettik salanyń shyǵystary artatyny týraly habarladyq.