Bıyl Mońǵolııa bank sektorynyń taza syrtqy aktıvteriniń kólemi 27,6 paıyzǵa artqan

ASTANA. KAZINFORM – 2024 jyldyń qyrkúıek aıynyń sońyna qaraı Mońǵolııa bank sektorynyń taza syrtqy aktıvteriniń kólemi 27,6 paıyzǵa artqan. Mońǵolııanyń tól aqshasy boıynsha 8,4 trln tógrik bolsa, 2,474 mlrd AQSh dollaryna para-par. Bul týraly Sınhýa agenttigi Mońǵolııanyń Ulttyq statıstıkalyq komıtetine silteme jasap, habarlady.

Osy kezeńde Mońǵolııa bankteriniń taza ishki aktıvteriniń kólemi ótken jyldyń sáıkes kezeńimen salystyrǵanda 25,4 paıyzǵa artyp, 33,4 trıllıon tógrikke /9,837 mıllıard AQSh dollaryna/ jetti.

Sonymen birge, Mońǵolııanyń kommertsııalyq bankterindegi jınaqtardyń jalpy kólemi aǵymdaǵy jyldyń qyrkúıek aıynyń sońyna qaraı 20,6 trıllıon tógrikke /6,067 mıllıard AQSh dollaryna/ jetti. Osy kezeńde týgrık jınaqtary 38,6 paıyzǵa ósse, dollar jınaqtary 12,3 paıyzǵa azaıǵan.

Eske sala keteıik, buǵan deıin Mońǵolııadaǵy ınflıatsııa 2024 jyldyń qyrkúıeginde 6,7 paıyzdy quraǵanyn jazǵan bolatynbyz.