Bıyl «Mereıli otbasy-2025» baıqaýyna qansha otbasy qatysady
ASTANA. KAZINFORM — «Mereıli otbasy-2025» baıqaýyna ótinim qabyldaý aıaqtaldy. Bıyl Qazaqstandaǵy ónegeli otbasy mártebesin ıelený úshin 3434 úmitker baq synamaq, dep habarlaıdy Mádenıet jáne aqparat mınıstrligi.
Eń kóp ótinim Qaraǵandy, Qyzylorda oblystary men Jetisý óńirinen túsken. Sondaı-aq Astana men Almaty qalalary da kóshbasshylar qatarynda. Al Ulytaý, Mańǵystaý jáne Soltústik Qazaqstan oblystarynyń turǵyndary belsendilik tanyta qoımaǵan.
— Baıqaýǵa ótinimder tek qatysýshylar tarapynan ǵana emes, 1711 otbasynyń kandıdatýrasyn jergilikti atqarýshy organdar, uıymdar men eńbek ujymdary da usynǵan. Alda baıqaýdyń aýdandyq, qalalyq jáne oblystyq kezeńderi ótedi. Óńirlik kezeń jeńimpazdary dástúrli túrde Otbasy kúni qarsańynda elordada ótetin «Mereıli otbasy» marapattaý rásimine qatysady. Jeńimpazdarǵa 1 mıllıon teńge syıaqy tabystalady, — delingen habarlamada.
Aıta keteıik, ulttyq baıqaýǵa 11 jyl ishinde 20 myńnan astam otbasy qatysqan.
Buǵan deıin 2024 jyly áleýmettik osal toptaǵy 4,5 otbasy baspanamen qamtamasyz etiletini málim boldy.