Bıyl mektepke barǵan oqýshylardyń 71% qazaq synyptaryna qabyldanǵan
ASTANA. KAZINFORM – Memlekettiń bedeli artqan saıyn, memlekettik tildiń de abyroıy kúsheıedi. Bul pikirdi Memleket basshysy Qasym-Jomart Toqaev «Qazaq tili» qoǵamynyń H quryltaıynda aıtty.
– Qazaq tili Táýelsizdigimizdiń myzǵymas sımvoly, Otanymyzdyń memlekettik tili, ultymyzdyń máńgilik jany retinde qabyldanýy qajet. Basqa kózqarastyń bolýy múmkin emes, – dedi Qasym-Jomart Toqaev.
Sondyqtan qazaq tiline syılastyqpen qaraý bul – azamattyq, adamı borysh. Al paryz qanshama qasterli bolsa da, onyń myqty negizi bolýy kerek.
– Biz ekonomıkasy damyǵan, ınnovatsııasy men tehnologııasy úzdik, álem jurtshylyǵy moıyndaǵan, órkenıetti, myqty memleket bolsaq, qazaq tili de qýatty til bolatyny anyq. Memlekettiń bedeli artqan saıyn, memlekettik tildiń de abyroıy kúsheıedi. Bul – aqıqat, – deıdi Memleket basshysy.
Prezıdenttiń aıtýynsha, búginde balabaqsha men mektepterde balalardyń basym bóligi qazaq tilinde tálim-tárbıe alyp jatyr. Bıyl mektepke barǵan oqýshylardyń 71 paıyzy qazaq synyptaryna qabyldandy.
Kolledjder men ýnıversıtetterde qazaq bólimderiniń sany kóbeıdi.
Aıta keteıik, Memleket basshysy Qasym-Jomart Toqaev Halyqaralyq «Qazaq tili» qoǵamynyń H quryltaıynda sóz sóılep jatyr.
Prezıdent qazaq tiliniń abyroı-bedelin arttyrý úshin tabandy jumys isteý kerektigin aıtýda.
Jańa Konstıtýtsııada «Táýelsizdik» jáne «Egemendik» sózderin bas árippen jazylatyn boldy.