Bıyl mektepke baratyn balalardyń 70 paıyzy qazaq tilin tańdaǵan

ASTANA. KAZINFORM – 2025 jylǵy 1 sáýirden bastap 1-synypqa qujat qabyldaý bastaldy, dep habarlady QR Oqý-aǵartý mınıstrliginiń baspasóz qyzmeti.

Baspasóz qyzmetiniń málimetterine qaraǵanda, búgingi kúnge deı̆in elimizdiń mektepterine 273 643 bala qabyldandy, olardyń 70%-y memlekettik tilde oqýdy tańdaǵan.

Mektepterge ótinim qabyldanyp jatyr. Olardy eGov.kz elektrondy úkimeti arqyly jáne eGov mobile qosymshasy arqyly tapsyrýǵa bolady. Sondaı-aq qujattardy mektepke aparyp ótkizýge de bolady.

Qujattar demalys pen mereke kúnderinen basqa ýaqytty qabyldanady.

Osyǵan deıin Oqý-aǵartý mınıstrligi joǵary synyp oqýshylaryna mektepten kásibı mamandyq ıgerip shyǵýǵa múmkindik beretin ilki jobany júzege asyryp jatqany týraly jazdyq.