Jas túlekterge attestat tapsyrý rásimi qaı kúnge belgilendi
ASTANA. KAZINFORM – Bıyl 3,8 mln-nan astam oqýshy oqý jylyn aıaqtaıdy, onyń 186 myńy – mektep túlegi. Oqý-aǵartý mınıstrliginiń baspasóz qyzmeti sońǵy qońyraý saltanatty is-sharasyna qatysty túsinikteme berdi.
«Óńirlerdegi sý tasqyny jaǵdaıyna jáne 25 mamyrdyń demalys kúnine sáıkes kelýine baılanysty 24 mamyr kúni barlyq mektepte 2023-2024 oqý jylynyń aıaqtalýyna arnalǵan synyp saǵaty uıymdastyrylady. Onda synyp jetekshileri oqýshylarmen birge ótken oqý jylyn qorytyndylaıdy» - dedi Oqý-aǵartý mınıstrligi Tárbıe jumysy jáne qosymsha bilim berý departamenti dırektorynyń orynbasary Qarlyǵash Qurmanbekova.
Habarlamada aıtylǵandaı, bıyl oqý jyly 34 apta, oqý 25 mamyrda aıaqtalady. Sondaı-aq, mınıstrlikten 11 (12) synyp túlekterine attestat tapsyrý jáne «Altyn belgimen» marapattaý rásimi barlyq emtıhan aıaqtalǵannan keıin (12-15 maýsym) ótetini aıtyldy.
«9-11 synyp túlekteriniń qaýipsizdigin jáne emtıhandarǵa sapaly daıyndyǵyn qamtamasyz etý maqsatynda aqsha jınaýǵa, saltanatty is-sharalar, banketter uıymdastyrýǵa jáne avtomobıldermen kóshe aralaýǵa tyıym salynady», - dedi vedomstvodan.
