Bıyl makaron ónimderiniń 25,2 myń tonnasy TMD elderine eksporttalǵan

ASTANA. KAZINFORM – 2024 jylǵy qańtar-qyrkúıek aralyǵynda óndirilgen makaron ónimderiniń kólemi 109,1 myń tonnany qurady. Bul týraly Ulttyq statıstıka bıýrosy málim etti. 

— Óndiristik kórsetkish 7,5% tómendedi. Sonymen birge makaron ónimderiniń ımporty 14,6% artyp, 30,7 myń tonnaǵa jetti. Importtyq ónimniń jalpy kólemdegi úlessalmaǵy 22% quraıdy, — delingen habarlamada.

Importtalǵan makaron ónimderiniń negizgi bóligi TMD elderinen jetkizilgen — 25,2 myń tonna.

Sondaı-aq kespe, spagettı jáne basqa da makaron ónimderiniń Qazaqstanǵa eksporttaýshylar qatarynda Qytaı, Koreıa Respýblıkasy, Italııa jáne Polsha bar.

2024 jyldyń toǵyz aıynda Qazaqstannan 33,8 myń tonna makaron ónimi eksporttaldy. Ónimniń negizgi bóligi TMD elderine, sondaı-aq Grýzııa, Aýǵanstan, Qytaı, Mońǵolııa, Koreıa Respýblıkasy, Lıtva jáne Germanııaǵa jóneltildi.

Eske sala keteıik, buǵan deıin Qazaqstanda makaron qansha turatynyn jazǵan bolatynbyz.