Bıyl Qurlyqtyq hokkeı lıgasynyń qashan bastalatyny belgili boldy

ASTANA. KAZINFORM - Qurlyqtyq hokkeı lıgasynyń 2024/2025 jylǵy maýsymy qashan bastalatyny belgili boldy.

Qurlyqtyq hokkeı lıgasynyń málimetine súıensek, aldaǵy maýsymnyń alǵashqy oıyny 3 qyrkúıekte ótkiziledi. Magnıtogorskide jergilikti «Metallýrg» Ekaterınbýrgtiń «Avtomobılıst» klýbyn qabyldaıdy. Eki komanda bıyl Gagarın kýbogy jartylaı fınalda kezdesken edi.

Qurlyqtyq hokkeı lıgasy oıyndaryna bıyl 23 komanda qatysady dep kútilýde. Olardyń arasynda qazaqstandyq «Barys» komandasy da bar.

Aıta ketsek, elordalyq komanda bıyl toptyq kezeńde 22-oryndy mise tutyp, pleı-off satysynan tys qaldy.

Qurlyqtyq hokkeı lıgasy 2008/09 jylǵy maýsymnan beri turaqty túrde ótkizilip keledi. Qazirge deıin «Ak Bars» pen TsSKA (3 márte), SKA, «Dınamo» (Máskeý), «Metallýrg» (2 márte), «Salavat ıÝlaev», «Avangard» (1 márte) chempıon atandy.