Bıyl quny 7,4 mlrd dollar bolatyn polıetılen zaýytynyń qurylysy bastalady
ASTANA. KAZINFORM — Premer-mınıstr Oljas Bektenov Úkimettiń keńeıtilgen otyrysynda bıyl qolǵa alynatyn ónerkásip salasyndaǵy iri ınvestıtsııalyq jobalardy atady.

— Bıyl quny 7,4 mlrd dollar bolatyn polıetılen zaýytynyń qurylysy bastalady. Quny 1,3 mlrd dollardy quraıtyn býtadıen zaýytynyń jobalaý-smetalyq qujattamasyn ázirleý qolǵa alynady. Qazaqstan damý bankiniń qoldaýymen ınvestor Pavlodar oblysynda alkılat shyǵaratyn zaýyt salyp bastaǵaly otyr. Qarmet kompanııasy jylyna 200 myń tonna kómir óndiretin iske asyrýǵa kiristi, — dedi ol.
Úkimet basshysy jobanyń quny 262 mln dollar bolatynyn, sonyń aıasynda kómir hımııasy ónimderiniń 15-ten astam túrin shyǵarý kózdelip otyrǵanyn málim etti.
— China Energy kompanııasy elimizde kómir hımııasy boıynsha 4 mlrd dollardyń ınvestıtsııalyq jobalaryn iske asyrýǵa qyzyǵýshylyq bildirip otyr. Qazirgi tańda ońtaıly kómir keniniń ornyn tańdaýda, — dedi Oljas Bektenov.
Aıta keteıik elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.