Bıyl Qostanaı oblysyna 8 kerqulan jetkiziledi

ASTANA. KAZINFORM – QR Ekologııa jáne tabıǵı resýrstar vıtse-mınıstri Nurken Shárbıev Qostanaı oblysyna ákelingen kerqulandar qalaı qystap shyqqany týraly aıtyp berdi.

Onyń sózinshe, óńirdiń klımaty kerqulandarǵa qolaıly, sol sebepti olar jaqsy qystap shyqty.

- Janýarlar bıyl qystap shyqty. Olar osyndaı aýa raıyna úırengen. Olardy jersindirýge Qostanaı oblysynyń tańdap alynýy da beker emes. Sý tasqyny qaýpine keletin bolsaq, jaǵdaı baqylaýda, - dedi vıtse-mınıstr Óńirlik kommýnıkatsııalar qyzmetinde ótken brıfıng barysynda.

Tól alý jaǵyna keletin bolsaq, ol josparda bar. Atalyǵy jersindirý kezeńinde analyqtarynan bólek ustaldy.

- Janýarlardy bıylǵy sáýir-mamyr aılarynda shaǵylystyramyz dep otyrmyz. Jersindirý erekshelikterine baılanysty olar bólek boldy, - dep naqtylady ol.

Bıylǵy mamyr men maýsym aılary aralyǵynda 8 bas janýar jetkiziledi dep otyrmyz. Rezervatqa ákelingen kerqulandardyń sany 40-qa jetetin bolady.

Osyǵan deıin Qazaqstanda Kerqulandy jersindirýge baǵyttalǵan jospar júzege asyryla bastaǵany týraly jazdyq.