Bıyl Qonaevtaǵy birqatar saıajaıǵa shaǵyn aýdan statýsy beriledi

QONAEV. KAZINFORM - 2025 jyly Qonaev qalasynyń aýmaǵy birshama ósedi.

Qonaev qalasynyń ákimi Ashat Berdihanovtyń aıtýynsha, byltyr “Stroıtelnaıa” saıajaıyna shaǵyn aýdan statýsy berilip, ataýy Qurylysshy bolyp ózgertildi. Burynǵy saıajaıdyń elektr jelileri tolyǵymen «Alataý Jaryq Kompanııasy» AQ ıeligine ótken. Sondaı-aq bul shaǵyn aýdanǵa aýyz sý jáne káriz sýy qubyrlaryn tartý úshin jobalyq-smetalyq qujattary ázirlene bastady.

- Qala aýmaǵynda 7 saıajaı qaldy. Qazirgi tańda sáýlet jáne qala qurylysy bólimi kooperatıvterdiń basshylarymen birlese otyryp, jerdi, ǵımarattardy, ınjenerlik jeliler men kólik ınfraqurylymyn túgendeý jumystaryn júrgizip jatyr. Bas josparǵa saıajaılar boıynsha túzetýler engizildi. Endi ony Úkimet bekitýi tıis. Bul qujatqa sáıkes, qazirgi saıajaılar aýmaǵynda ákimshilik, áleýmettik nysandardy, kásipkerlik ǵımarattaryn, kópqabatty turǵyn úıler salý kózdelgen, - dedi qala ákimi.

Eske salaıyq, buǵan deıin Qonaevta Jańa jyldyq bezendirýge baılanysty aýdıt júrgiziletinin jazǵanbyz.