Bıyl kóktemde Pavlodardan 700-den astam ulan áskerge shaqyrylady
PAVLODAR. KAZINFORM - Olardyń basym bóligi Qarýly Kúshter men Ulttyq ulanǵa jiberiledi. Ózgeleri Shekara qyzmeti men Tótenshe jaǵdaılar mınıstrligine, memlekettik kúzet qyzmetinde boryshyn óteıdi.
Pavlodar oblysynan bıylǵy kóktemde elimizdiń áskerı qurylymdaryna 704 adamdy shaqyrý josparlanǵan. Bul týraly óńirlik Qorǵanys isteri jónindegi departament bastyǵynyń orynbasary Qýat Jaqanov málimdedi.
Jigitterdiń basym bóligi Qarýly Kúshter (380 adam) men Ulttyq ulanǵa (240 adam) jiberiledi. Taǵy 50 sarbaz Ulttyq qaýipsizdik komıtetiniń Shekara qyzmetinde, 25-i Tótenshe jaǵdaılar mınıstrliginde, 9-y Memlekettik kúzet qyzmetinde boryshyn óteıdi.
- Áskerge shaqyrylýshylardy burynǵydaı kósheden alyp ketýdiń tájirıbesi endi qoldanylmaıdy. Áskerden jaltarýshylardy izdestirýdi tek ishki ister organdary júzege asyrady. Merzimdi qyzmettegi áskerı qyzmetshiler úshin 2022 jyldan bastap engizilgen jeńildikter qoldanysta. Olar qyzmetin ótkergennen keıin eki jyl ishinde jergilikti oqý oryndaryna Ulttyq biryńǵaı testileý nátıjelerine qaramastan áńgimelesý qorytyndysy boıynsha túse alady, - dep atap ótti departament ókili.
Eske sala keteıik, Astanadan kóktemde 1400 ulan áskerge shaqyrylady.