Bıyl Qyzylorda oblysyndaǵy qaı aýyldar tabıǵı gazǵa qosylady

QYZYLORDA. KAZINFORM – Qyzylorda oblysyndaǵy 4 qala (Qyzylorda, Aral, Qazaly, Baıqońyr) túgel, al 222 aýyldyń 56-sy tabıǵı ǵazǵa qosylǵan. 

Oblystyq energetıka jáne turǵyn-úı kommýnaldyq sharýashylyq basqarmasynyń málimetinshe, 2025 jyly gazdandyrý jobalaryna 17,3 mlrd teńge qarjy bólindi. Bul qarjyǵa 18 joba júzege asyryldy.

– Jyl basynan beri Shıjaǵa, Ortaqshyl, Baımurat, Taldyaral, Aqtan batyr, Naǵı Іlııasov, Shaǵan, Dúr Ońǵar, 21-beket, Janseıit, Sabalaq sııaqty 11 eldi meken kógildir otynǵa qosyldy. 17 myńǵa jýyq turǵyn tabıǵı gazdy tutyný múmkindigine ıe boldy. Osylaısha oblysty gazdandyrý deńgeıi 83%-ǵa jetti, - dedi basqarma basshysy Medet Ýsaın. 

Bıyl 14 jobany júzege asyrýǵa 4,7 mlrd teńge bólindi.

– Jyl sońyna deıin Aqjarma, Qamystybas, Qoǵalykól, Shirkeıli, Tórebaı bı, Iirkól, Bekarystan bı, Janqoja batyr, Túktibaev, Maıdakól aýyldaryna gaz jetedi. Respýblıkalyq bıýdjettiń naqtylaýyna jalpy quny 8,1 mlrd teńge 19 joba usynyldy. Onda Qaraketken, Daldabaı, Besaryq, Buqarbaı batyr, Qosúıeńki, Qaraózek, Qyzylózek, Qojabaqy, Aqsýat eldi mekenderi qamtylǵan, - dedi basqarma basshysy. 

Jýyrda Astanany gazdandyrý jónindegi aýqymdy joba aıasynda elordanyń Shubar eldi mekeni tabıǵı otynǵa qosyldy.