Bıyl Qyzylorda oblysynda zańsyz aınalymnan 122 qarý tárkilendi
Bıyl Qyzylorda oblysynda zańsyz aınalymnan 122 qarý tárkilendi, dep habarlaıdy Kazinform.
Qyzylorda oblysy polıtsııa departamenti ákimshilik polıtsııa basqarmasymen birlese otyryp bıylǵy jyldyń 10 aıynda 9 568 qarý ıeleriniń ańshy qarýyn saqtaý zańdylyǵyn tekserdi.
Atalǵan shara barysynda azamattyq qarýdy saqtaý, paıdalaný jáne tasymaldaý erejelerin buzý deregi boıynsha barlyǵy 348 quqyq buzýshylyq anyqtaldy.
«Zańsyz aınalymnan 122 dana qarý tárkilendi. Odan bólek, oblys kóleminde azamattyq jáne qyzmettik qarý aınalymyn baqylaý salasy boıynsha «E-lıtsenzııalaý» elektrondyq júıesi arqyly 4 630 memlekettik qyzmet kórsetildi. Jeke jáne zańdy tulǵalarǵa azamattyq jáne qyzmettik qarý satyp alýǵa, saqtaýǵa jáne alyp júrýge ruqsat berildi», - dep málim etti Qyzylorda oblystyq polıtsııa departamenti.
Eske salsaq, budan buryn Qyzylordada bala urǵan tárbıeshige is qozǵaldy.
