Bıyl Qytaıdyń joǵary oqý oryndaryna Bolashaq» baǵdarlamasymen qansha adam tústi

ASTANA. KAZINFORM - 2025-2026 akademııalyq oqý jylynda 44 qazaqstandyq grant ıegeri atandy jáne Qytaıdyń jetekshi joǵary oqý oryndarynda oqýǵa qabyldandy, dep habarlaıdy QR Ǵylym jáne joǵary bilim mınıstrliginiń baspasóz qyzmeti.

Baspasóz qyzmetiniń málimetterine qaraǵanda, oqýǵa túskenderdiń arasynda bilim berý salasyndaǵy halyqaralyq kelisim sheńberinde - 35 adam, al Shanhaı Yntymaqtastyq Uıymynyń stıpendııasy sheńberinde - 9 adam bar. 

Grant akademııalyq oqý, jataqhanada turý, medıtsınalyq saqtandyrý shyǵyndaryn óteıdi. Buǵan qosymsha bilim alýshy jastarǵa aı saıyn stıpendııa qarastyrylǵan. Oqý aǵylshyn nemese qytaı tilinde ótedi.

Sonymen qatar Qytaı Halyq Respýblıkasy úmitkerlerge stıpendııa taǵaıyndaý týraly sońǵy sheshimdi qabyldaıdy.

Grant ıegerleriniń tolyq tizimin bolashak.gov.kz resmı saıtynan kóre alasyzdar.