Bıyl qysta 17 mln aýǵandyq ashtyqqa ushyraýy múmkin

ASTANA. KAZINFORM – BUU Dúnıejúzilik azyq-túlik baǵdarlamasy (DÁB) dabyl qaǵyp otyr: Aýǵanstandaǵy kóptegen otbasy birneshe kún boıy tamaqsyz qaldy, dep habarlaıdy DW aqparat agenttigi. 

Aýǵanstan apatqa bet aldy. Bıyl qysta 17 mln-nan astam adamnyń ashtyqtan ólý qaýpi bar.

- Bizdiń toptar otbasylardyń birneshe kún boıy tamaqsyz qalyp, aman qalý úshin tótenshe sharalarǵa barǵanyn kórip otyr. Balalar ólimi artyp keledi, aldaǵy aılarda jaǵdaı odan ári nasharlaýy múmkin, - dep málimdedi Dúnıejúzilik azyq-túlik baǵdarlamasynyń Aýǵanstan boıynsha dırektory Djon Eılıff.

El ekonomıkalyq daǵdarystan, sondaı-aq qurǵaqshylyq pen jer silkinisinen zardap shegip otyr. Azyq-túlik onsyz da tapshy boldy. Al qazir kórshi elderden aýǵandyqtardyń jappaı deportatsııalanýyna baılanysty mıllıondaǵan bosqyn oralyp jatyr. Olardyń kópshiligi álsirep qaldy, dep habarlaıdy Dúnıejúzilik azyq-túlik baǵdarlamasy. Alaıda gýmanıtarlyq kómek kóbeıgen joq, kerisinshe azaıyp keledi.

- Biz Aýǵanstandaǵy daǵdarysty qoǵam nazaryna qaıta alýymyz kerek, sonda eń osal aýǵandyqtarda laıyqty kóńil bólinedi, - dedi Dúnıejúzilik azyq-túlik baǵdarlamasynyń dırektory Aılıf.

Eske sala ketsek, 12 jeltoqsanda Qazaqstan prezıdenti Halyqaralyq beıbitshilik jáne senim jylyna, Halyqaralyq beıtaraptyq kúni men Túrikmenstannyń turaqty beıtaraptyǵynyń 30 jyldyǵyna arnalǵan forýmda Aýǵanstanǵa kómek kórsetýdi jalǵastyrý qajet dep esepteıtinin aıtty. 

Qarashada Qasym-Jomart Toqaevtyń tapsyrmasyna sáıkes Aýǵanstan halqyna joıqyn jer silkinisinen zardap shekken turǵyndardy qoldaý maqsatynda gýmanıtarlyq kómek jóneltildi.