Bıyl qysqy ýaqytta Pavlodarda 24 muz aıdyny jumys isteıdi

PAVLODAR. KAZINFORM — Muz aıdyndarynyń tórteýinde kelýshilerge konkı tegin beriledi. Barlyq alańdardy 20 jeltoqsanǵa deıin iske qosý josparlanǵan.

Aldaǵy qysqy kezeńde Pavlodar qalasynda 24 muz aıdyny jumys isteıdi. Bıyl alǵash ret Ortalyq alańda qosymsha eki muz aıdyny ornalaspaqshy.

— Qazirgi ýaqytta aýlalar ishindegi muz aıdyndaryn jabdyqtaý, muz quıý jumystary júrgizilip jatyr. Barlyq alańdardy aýa raıy qolaıly bolyp tursa 20 jeltoqsanǵa deıin iske qosý josparlanǵan. Aýlalardaǵy muz aıdyndarynda syrǵanaý tegin bolady. Ortalyq alańda, Qalalyq baqta, Gagarın saıabaǵynda jáne Malaısary 39 mekenjaıyndaǵy jabyq hokkeı kortynda konkılerdi turǵyndarǵa tegin berý qarastyrylǵan. Ózge aıdyndarda kelýshiler óz konkılerimen syrǵanaı alady, — dep habarlady Pavlodar qalasynyń ákimdiginen.

Muz aıdyndary jumys kúnderi — saǵat 12.00 — 21.00, demalys kúnderi — saǵat 11.00-21.00 aralyǵynda jumys isteıtin bolady.

Eske sala keteıik, Pavlodarda jańajyldyq is-sharalarǵa jyldaǵydan 8 ese az qarajat bólingen.