Bıyl qyrkúıekte «Keleshek» baǵdarlamasy iske qosylady – Saıasat Nurbek

ASTANA. KAZINFORM - Ǵylym jáne joǵary bilim mınıstri Saıasat Nurbek elimizde "Keleshek" baǵdarlamasy qashan iske qosylatynyn túsindirdi.

«Keleshek» baǵdarlamasy bıyl iske qosylady. Zań jobasy Májilistiń qaraýyna engizilip, talqylaýlar bastaldy. Parlamenttiń osy sessııasynyń sońyna deıin talqylaýlardy aıaqtaýdy tyrysyp jatyrmyz. Sessııa sońyna (jaz aılarynda) deıin iske asyrsaq, onda bıyl qyrkúıek aıynan baǵdarlamany júzege asyrý bastalady», - dedi S. Nurbek Parlament Májilisinde tilshiler suraǵyna jaýap bere otyryp.

Aıta keteıik, baltyrǵy Joldaýynda Memleket basshysy Qasym-Jomart Toqaev bes jastan asqan balalarǵa arnalǵan «Keleshek» atty biryńǵaı erikti jınaqtaý júıesin engizýdi tapsyrdy. 

«Bul baǵdarlamada memleket tarapynan usynylatyn bastapqy bilim berý kapıtaly, jyl saıynǵy memlekettik syıaqy jáne ınvestıtsııalyq tabys qarastyrylýǵa tıis. Osy jınaq pen «Ulttyq qor – balalarǵa» jobasynyń qarajaty qosylǵanda jas urpaqtyń sapaly bilim alýyna múmkindik týady», - dedi Prezıdent.