Bıyl Qazaqstannyń syrtqy saýda aınalymy 103 mlrd dollardan asty

ASTANA. KAZINFORM — 2025 jyldyń qańtar–qyrkúıek aılarynda Qazaqstannyń syrtqy saýda aınalymy 103 407,2 mln AQSh dollaryn qurady. Bul týraly Ulttyq statıstıka bıýrosy habarlady.

Vedomstvo derekterine qaraǵanda, esepti kezeńde Qazaqstannyń eksporty 57 500,4 mln AQSh dollaryna jetken.

Eksport baǵyttary boıynsha negizgi saýda seriktester:

• Italııa — 21%,
• Qytaı — 18,8%,
• Reseı — 10,3%,
• Nıderland — 7,6%,
• Túrkııa — 4,8%,
• Ózbekstan — 4,4%.

Eksport qurylymyndaǵy eń úlken úles shıki munaı jáne munaı ónimderine, mys jáne mys qorytpalaryna, radıoaktıvti elementterge, ken men mys kontsentrattaryna tıesili.

Import kólemi 2025 jyldyń toǵyz aıynda 45 906,8 mln AQSh dollaryn qurady.

Import boıynsha negizgi seriktes elder:

• Qytaı — 29,5%,
• Reseı — 29,1%,
• Germanııa — 4,5%,
• AQSh — 3,6%,
• Koreıa Respýblıkasy — 3,6%,
• Frantsııa — 2,5%.

Import qurylymynda eń kóp ákelinetin taýarlar qatarynda jeńil avtomobılder, dárilik preparattar, kólik kýzovtary, telefon apparattary jáne basqa da ónerkásiptik taýarlar bar.

Aıta keteıik, Úkimette Syrtqy saýdany retteý jáne ishki naryqty qorǵaý máselesi boıynsha birneshe sheshim qabyldandy.