Bıyl Qazaqstanǵa qansha eldiń memleket jáne úkimet basshylary keldi
Bıyl Qazaqstanǵa 32 eldiń memleket jáne úkimet basshysy saparlap keldi. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy Kazinform.
«Bıyl biz syrtqy saıası trekte aýqymdy jumys júrgizdik, Qazaqstanda birqatar iri halyqaralyq is-sharalar uıymdastyryldy jáne ótkizildi. Qazaqstan Memleket basshysynyń, Premer-Mınıstriniń, Syrtqy ister mınıstriniń shet elderge saparlary ótti, sondaı-aq elimizge joǵary dárejeli sheteldik qonaqtar keldi. Qazaqstanǵa resmı saparmen 32 memleket jáne úkimet basshylary, 24 Syrtqy ister mınıstri jáne halyqaralyq uıymdardyń basshylary keldi. Olardyń ishinde Majarstan, Ulybrıtanııa, Italııa, Qyrǵyzstan, Lıýksembýrg, Makedonııa, AQSh, Tájikstan, Túrkııa, Túrikmenstan, Ózbekstan, Shveıtsarııa, Ońtústik Koreıa jáne basqa da syrtqy saıası vedomstvolardyń basshylary bar», - dedi Aıbek Smadııarov vedomstvoda ótken brıfıngte.
Onyń atap ótýinshe, QR Premer-Mınıstriniń orynbasary – Syrtqy ister mınıstri Murat Nurtileý osy jyly 23 elge bardy.
Atap aıtqanda Ázerbaıjan, Belarýs, Belgııa, Majarstan, Qyrǵyzstan, QHR, SAK, Lıýksembýrg, Reseı, Rýmynııa, Serbııa, Soltústik Makedonııa, AQSh, Tájikstan, Túrikmenstan, Ózbekstan jáne t.b. memleketterge sapar jasady.
Ótken jyly 34 halyqaralyq shartqa qol qoıyldy.
Onyń ishinde memleketaralyq shart – 12, úkimetaralyq shart – 15 jáne vedomstvoaralyq shart – 7 qujat.
«Bizdiń elimizdiń syrtqy saıası qyzmeti halyqaralyq jaǵdaıǵa, jańa syn-qaterler men qaýipterge, sondaı-aq ózekti syrtqy saıası shyndyqtarǵa súıenip únemi jetildirilip otyrady. Syrtqy ister mınıstrliginiń negizgi mindetteri memleketimiz shekaralarynyń perımetri boıynsha qaýipsizdik pen turaqtylyqty qamtamasyz etý, Qazaqstannyń óńirlik jáne jahandyq saıasat sýbektisi retindegi rólin arttyrý, ulttyq múddelerdi qorǵaý jáne qamtamasyz etý, sondaı-aq shet elderdegi qazaqstandyqtardyń quqyqtary men múddelerin qorǵaý bolyp qala beredi», - dedi ol.
