Bıyl Qazaqstanǵa 25,5 mlrd dollar sheteldik ınvestıtsııa tartylýy kerek — Bektenov
ASTANA. KAZINFORM — Premer-mınıstr Oljas Bektenov Úkimetke bıyl Qazaqstan ekonomıkasyna 25,5 mlrd dollar kóleminde tikeleı sheteldik ınvestıtsııa tartý jáne negizgi kapıtalǵa salynatyn ınvestıtsııa kólemin 31,5 trln teńgege jetkizý mindetin qoıdy.
Memleket basshysy elimizdiń ınvestıtsııalyq ahýalyn odan ári jaqsartý jáne ekonomıkanyń basym sektorlarynda qosylǵan qundy arttyratyn serpindi jobalardy iske asyrý mindetin belgiledi.
— Osy turǵyda árbir mınıstr men ákimniń aldyna ınvestıtsııalar tartý boıynsha naqty ındıkatorlar men mindetter qoıylǵanyn atap ótemin. Bıyl 25,5 mlrd dollar sheteldik ınvestıtsııa jáne negizgi kapıtalǵa 31,5 trln teńge ınvestıtsııa tartýǵa tıispiz. Syrtqy ister mınıstrligine memlekettik organdarmen birlesip, josparly kórsetkishterge qol jetkizý úshin atalǵan baǵyttaǵy jumysty kúsheıtýdi tapsyramyn, — dedi Oljas Bektenov.
Syrtqy ister mınıstrligi Bas prokýratýramen birlesip, barlyq jobalarǵa qoldaý kórsetý jáne ınvestorlardyń zańdy quqyqtaryn qorǵaý jumystaryn júıege keltirýi qajet.
Aıta keteıik, búgin mınıstrler kabıneti jańa Konstıtýtsııanyń kúshine enýi aıasynda Memleket basshysynyń tapsyrmalaryn oryndaý barysyn qarady.
