Bıyl Qazaqstanda jalpy qansha jańa baspana salynady
ASTANA. KAZINFORM — Bul suraqqa Ónerkásip jáne qurylys mınıstrligi jaýap berdi.
— 2025 jyly elimizde barlyq qarajat kózderi esebinen 19,2 mln sharshy metr turǵyn úı nemese 176-myńnan astam páter salý josparlanǵan, — delingen mınıstrliktiń Kazinform agenttigine bergen jaýabynda.
Statıstıkalyq derekterge sáıkes, 7 aıdyń qorytyndysy boıynsha 9,4 mln sharshy metr turǵyn úı nemese 86 myń páter paıdalanýǵa berildi.
Aıta keteıik, 8 qyrkúıekte Memleket basshysy Qasym-Jomart Toqaev «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýyn jarııalady.
Osy oraıda Prezıdent byltyr 19 mıllıon sharshy metr baspana paıdalanýǵa berilgenin aıta kele, qurylys sapasyn arttyrý úshin jasandy ıntellekt tehnologııalarynyń (Building Information Modeling, BIM) kómegimen ǵımarattardy aqparattyq modeldeý ádisin keńinen qoldaný kerek ekenin tapsyrdy.