Bıyl Qazaqstanda taǵy 11 sheteldik JOO fılıaly ashylady
ALMATY. KAZINFORM — Byltyr Qazaqstanǵa 31,5 myń sheteldik stýdent bilim alýǵa keldi. Bul týraly Digital Almaty forýmynda Ǵylym jáne joǵary bilim mınıstri Saıasat Nurbek málim etti.
Aıtýynsha, Qazaqstan 34 sheteldik joǵary oqý ornymen seriktestik týraly kelisim jasaǵan. Bıyl bul tizimge taǵy 11 sheteldik joǵary oqý orny qosylady.
— Bıyl óte myqty ýnıversıtetterdiń fılıaldary ashylady. Atap aıtar bolsam, álemdik reıtıngte 200 úzdik oqý oryndarynyń qataryna kiretin Ulybrıtanııadaǵy Kardıff ýnıversıteti, Eseter jáne Shotlandııadaǵy Glazgo ýnıversıtetiniń jáne KAIST (Korea Advanced Institute of Science and Technology). Bul JOO barlyǵy álemdegi reıtıngi joǵary ýnıversıtetterdiń qatarynda, — dedi ol Digital Almaty forýmynda sóılegen sózinde.
Onyń aıtýynsha, Almatyda osydan úsh jyl buryn De Montfort University joǵary oqý ornynda 1000-ǵa jýyq stýdent bilim alyp jatyr. Onyń basym bóligi sheteldikter. Túrkııa, Reseı jáne Ońtústik Afrıkadan kelgen.
De Montfort University Kazakhstan kampýsynyń basshysy jáne akademııalyq dırektory Erık Dımla ýnıversıtet Qazaqstannyń halyqaralyq arenadaǵy pozıtsııasyn nyǵaıtýǵa kóbirek kóńil bóletinin aıtty.
— Biz tek el ishinde bolyp jatqan oqıǵalardy ǵana emes, sonymen qatar onyń shekarasynan tys jerlerde bolyp jatqan jaǵdaılarǵa da basa nazar aýdaramyz, osylaısha qazaqstandyq joǵary oqý oryndarynyń túlekteri álemdik deńgeıde ózderin kórsete alady. Ýnıversıtet Qazaqstanda jumys istegen úsh jyl ishinde júzdegen qazaqstandyq, Ortalyq Azııa jáne odan tys jerlerden stýdentterdi tarta aldyq, — dedi Erık Dımla.
Saıasat Nurbek byltyr Qazaqstanǵa 31,5 myń sheteldik stýdent oqýǵa kelgenin tilge tıek etti.
— Azııadan kelgen stýdentterdiń sany alǵash ret TMD elderinen kelgen stýdentterdiń sanynan asyp tústi. Qazir 93 elden bizge bilim alýǵa keldi. Bizdiń strategııamyz, baǵyt-baǵdarymyz ben Qazaqstandy aımaqtaǵy akademııalyq hab retinde ornalastyrýymyz óz jemisin bere bastady. Bizdiń KPI 2028-2029 oqý jylynda 100 myń sheteldik stýdentke qyzmet kórsetedi. Eger olar Qazaqstanda orta eseppen 10 myń dollar qaldyrsa, bul qazirdiń ózinde 100 mln dollar. Halyqaralyq statıstıka boıynsha bir sheteldik stýdentke 1,3 jumys orny bolsa, myńdaǵan sheteldik stýdent 1300 jumys ornyn ashady, — deıdi Saıasat Nurbek.
Osyǵan deıin Qazaqstandaǵy sheteldik JOO fılıaldaryna qalaı túsýge bolatyny týraly jazǵan edik.
Eske salaıyq, Almatyda Digital Almaty-2025 tsıfrlyq forýmy ótip jatyr. Oǵan 40 myńnan asa adam qatysýda.