Bıyl Qazaqstanda shegirtke taralýy múmkin aýmaq 2,1 mln gektarǵa jetýi múmkin

ASTANA. KAZINFORM — 2025 jylǵy 17 maýsymdaǵy jaǵdaı boıynsha aýyl sharýashylyǵy alqaptarynyń 11,4 mln gektardan astamy zertteldi, dep habarlaıdy AShM baspasóz qyzmeti.

Boljamǵa sáıkes, bıyl Qazaqstanda úıirli shegirtkeler taralýy múmkin aýmaq shamamen 2,1 mıllıon gektardy quraýy yqtımal. Kúres sharalaryna 443 birlik arnaıy búrký tehnıkasy, onyń ishinde 49 dron jumyldyrylǵan. 3,5 myńnan astam adam zertteý jumystaryn júrgizip jatyr. Jergilikti jerlerdegi jumysty oblys ákimderiniń orynbasarlary basqaratyn jedel shtabtar úılestirip otyr.

— Shekara mańyndaǵy aımaqtardaǵy shegirtkelerge qatysty jaǵdaı turaqty baqylaýda. Atap aıtqanda, 2–6 maýsym aralyǵynda Qazaqstan men Qyrǵyzstannyń shekaralas aýmaqtarynda birlesken zertteýler júrgizildi. Al 9–13 maýsym aralyǵynda osyndaı zertteýler Qytaı Halyq Respýblıkasynda ótti. Qazirgi ýaqytta Qyrǵyzstan men Qytaı tarapynan shegirtkelerdiń ushý nemese kóshý qaýpi anyqtalǵan joq. Reseı Federatsııasy jáne Ózbekstan Respýblıkasymen shekaralas aýmaqtar da turaqty baqylaýda, shegirtke oshaqtary tirkelgen joq, — delingen mınıstrlik habarlamasynda.

Vedomstvo atap ótkendeı, shegirtkelerdi baqylaý jáne olarǵa qarsy kúres sharalary josparly túrde jalǵasyp jatyr.

Budan buryn shegirtkege qarsy hımııalyq óńdeý jumystary 90%-dan asqany belgili boldy.