Bıyl Qazaqstanda qansha kıik aýlaýǵa ruqsat etildi
ASTANA. KAZINFORM — Bıyl kıiktiń neshe paıyzy etke jiberiledi, ıaǵnı kúzde qansha kıikti aýlaýǵa ruqsat berilmek? Kıikterdiń sany qalaı retteledi? Bul suraqtarǵa Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti jaýap berdi.
— 2026 jylǵy kóktemgi sanaq qorytyndysy boıynsha kıikterdiń sany 4,6 mln-ǵa jetti. Qazaqstan Respýblıkasynyń janýarlar dúnıesin qorǵaý, qaıta jańǵyrtý jáne paıdalaný salasyndaǵy qoldanystaǵy zańnamasyna sáıkes, ańdardyń sanyn retteý bıologııalyq negizdemege sáıkes júzege asyrylady. Kıikter sany artqanyn eskere otyryp, beıindi ǵylymı uıym — Ǵylym jáne joǵary bilim mınıstrliginiń Zoologııa ınstıtýty kıikterdiń sanyn retteý tıisti bıologııalyq negizdeme daıyndady, — delingen Orman sharýashylyǵy jáne janýarlar dúnıesi komıtetiniń Kazinform agenttigine bergen jaýabynda.
Osy bıologııalyq negizdemege sáıkes, 2026 jyly 580 000 kıikti aýlaý usynyldy. Onyń ishinde Oral popýlıatsııasynan — 350 000, al Betpaqdala popýlıatsııasynan 230 000 kıik qamtylmaq. Bul baǵyttaǵy jumystar «Ohotzooprom» ÓB» RMQK kúshimen eki tásilmen júzege asyrylmaq, ıaǵnı oıyq uńǵyly qarýmen atyp alý jáne arnaıy tormen aýlaý.
Buǵan deıin habarlanǵandaı, elde aqbóken sany 4 mln 689 myń basqa jetti.
