Bıyl Qazaqstan 98 mln tonna munaı óndiredi — Aqkenjenov
ASTANA. KAZINFORM — Bıyl Qazaqstan 98 mln tonna munaı óndiredi. Bul týraly Energetıka mınıstri Erlan Aqkenjenov málim etti.
— Teńiz ken ornynda munaı óndirý kóleminiń ýaqytsha tómendeýi men Kaspıı qubyr konsortsıýmynyń munaı ınfraqurylymyna soqqy jasalýy jaǵdaıyn eskere otyryp, osy jyly 98 mln tonna munaı óndirýdi josparlap otyrmyz, — dedi E. Aqkenjenov Parlament Májilisiniń jalpy otyrysynan keıin tilshiler suraǵyna jaýap bere otyryp.
Aıta keteıik, elimiz bıyl 76 mln tonna munaı eksporttaýdy josparlap otyr.
Jaqynda mınıstr munaı men gaz óndiretin ken ornyndaǵy jóndeý jumystarynyń ýaqyty ózgerýi yqtımal ekenin málim etti.
