Bıyl qasıetti Ramazan aıy qashan bastalady
ASTANA. KAZINFORM — Bıyl aılardyń sultany — Oraza qashan bastalatyny jáne basqa da musylman meıramdarynyń qashan ótetini týraly Qazaqstan musylmandary dinı basqarmasy (QMDB) málim etti.
— QMDB-nyń sharıǵat jáne pátýa bólimi 2026 jylǵa arnalǵan dinı kúnder kúntizbesin bekitti. Hıjra aılarynyń bastalýy halyqaralyq astronomııalyq zertteý ortalyqtarynyń derekteri negizinde aıqyndaldy. Pátýa mamandary dinı merekelerdiń naqty kúnderi jańa aıdy baqylaýǵa baılanysty kórsetilgen merzimnen bir kúnge erterek nemese keshirek bolýy múmkin ekenin eskertedi, — delingen habarlamada.
Usynylǵan kúntizbege sáıkes, Oraza ustaý (qasıetti Ramazan aıynyń birinshi kúni) 19 aqpanda bastalady, Qadir túni — 16-nan 17 naýryzǵa qaraǵan túni ótedi, al Oraza aıt meıramyn musylmandar 20 naýryzda atap ótedi.
2026 jyly Qurban aıt meıramyn musylmandar 27–29 mamyr aralyǵynda toılaıdy.
