Bıyl Qashaǵandaǵy gaz óńdeý zaýytynyń qurylysy aıaqtalady
ASTANA. KAZINFORM — Bıyl Qashaǵanda qýaty 1 mlrd tekshe metr bolatyn gaz óńdeý zaýytynyń qurylysy aıaqtalady. Bul týraly Úkimet otyrysynda Energetıka mınıstri Erlan Aqkenjenov aıtty.
Mınıstrdiń dereginshe, osy jyldyń 3 aıynda 13,6 mlrd tekshe metr gaz óndirildi. Bul ótken jyldyń sáıkes kezeńimen salystyrǵanda 84,9 paıyzdy quraıdy. 2026 jylǵa boljam — 62,7 mlrd tekshe metr.
— Taýarlyq gaz óndirisiniń kólemi 6,1 mlrd tekshe metr nemese 2025 jyldyń sáıkes kezeńine 83,6 paıyz boldy. 2026 jylǵy boljam — 27,3 mlrd tekshe metr. Taýarlyq gazdy ishki naryqta tutyný kólemi 8,8 mlrd tekshe metr nemese 2025 jyldyń sáıkes kezeńine 108,6 paıyzdy quraıdy. 2026 jylǵa boljam — 22,6 mlrd tekshe metr, — dedi ol.
Onyń aıtýynsha, suıytylǵan munaı gazyn óndirý kólemi 0,72 mln tonna nemese ótken jyldyń sáıkes kezeńimen salystyrǵanda 92,3 paıyz boldy. 2026 jylǵa boljam — 3,1 mln tonna.
— Gaz salasynyń uzaq merzimdi resýrstyq bazasyn nyǵaıtý jáne eldiń energetıkalyq qaýipsizdigin qamtamasyz etý maqsatynda mınıstrlik 2035 jylǵa deıin eldiń jańa perspektıvaly kómirsýtek ken oryndaryn ıgerý josparyn «Samuryq-Qazyna» qorymen birlesip iske asyryp jatyr. Atalǵan josparǵa sáıkes osy jyldyń sońyna deıin Qashaǵanda qýaty 1 mlrd tekshe metr bolatyn gaz óńdeý zaýytynyń qurylysyn aıaqtaý josparlanǵan, — dedi Erlan Aqkenjenov.
Buǵan deıin bıyl 3 aıda jalpy ishki ónim 3 paıyzǵa óskenin jazǵan edik.
