Bıyl karantındik fıtosanıtarııalyq baqylaý barysynda 1 377 zań buzý anyqtaldy
ASTANA. KAZINFORM — Onyń ishinde eń kóp 1 213 jaǵdaı Reseı Federatsııasynan ónim tasymaldaý kezinde baıqalǵan. Al Qyrǵyzstannan ónim ákelý kezinde 153 zań buzý, Armenııadan 6, Belarýs Respýblıkasynan 5 zań buzý anyqtaldy.
Ósimdikter karantıni jónindegi memlekettik ınspektorlar karantındik fıtosanıtarııalyq baqylaý sheńberinde belgilengen fıtosanıtarııalyq talaptarǵa sáıkes kelmeıtin ónimderdiń ákelinýine jol bermeý boıynsha turaqty negizde tıisti sharalar qabyldaýda.
— 2026 jyly Eýrazııalyq ekonomıkalyq odaqqa múshe memleketterden Qazaqstan aýmaǵyna karantınge jatqyzylǵan ónimderdi ákelý kezinde ósimdikter karantıni salasyndaǵy zańnama talaptary buzylǵan 1 377 oqıǵa anyqtaldy.
Onyń ishinde eń kóp 1 213 jaǵdaı Reseı Federatsııasynan ónim tasymaldaý kezinde baıqalǵan. Al Qyrǵyzstannan ónim ákelý kezinde 153 zań buzý, Armenııadan 6, Belarýs Respýblıkasynan 5 zań buzý anyqtaldy, — delingen AShM habarlamasynda.
Karantınge jatqyzylǵan ónimderdi tasymaldaý kezinde negizinen fıtosanıtarııalyq qujattardyń jáne qajetti tańbalaýdyń bolmaýy, ónimdi qaıtalama tekserý júrgizý úshin usynbaý, sondaı-aq karantındik obektilerdiń anyqtalýy sııaqty oqıǵalar jıi kezdesedi.
Barlyq jaǵdaı boıynsha tıisti sharalar qabyldanady. Elimizdiń ósimdikter karantıni salasyndaǵy zańnama talaptaryn buzǵan tulǵalar ákimshilik jaýapkershilikke tartyldy.
Aıta ketelik Qazaqstan men Qyrǵyzstan fıtosanıtarııalyq qaýipsizdik boıynsha memorandýmǵa qol qoıǵan edi.
