Bıyl Qaraǵandyda «Jasyl el» aıasynda 2000 sarbaz jumys atqarǵan
QARAǴANDY. KAZINFORM – 2024 jyly Qaraǵandy qalasynda «Jasyl el» jastar eńbek jasaqtary qyzmeti aıasynda 2000 sarbaz jumys atqardy.
«Jasyl el» JEJ jobasy – qala jastaryn maýsymdyq jumyspen qamtamasyz ete otyryp, olardyń boıynda eńbeksúıgishtik, patrıottyq qasıetterdi qalyptastyrý men qorshaǵan ortany aıalap ustaýǵa shaqyratyn, ekologııalyq máselelerdi sheshýdiń mańyzdylyǵyn kórsetetin jobalardyń biri ári biregeıi. Sarbazdar 4 aı boıy qalamyzdyń ekologııalyq jaǵdaıyn jaqsartý jumystaryn júrgize otyra, mektep aýlasy, qala saıabaqtary men saıajoldarynda bilek sybana eńbek etti. Sarbazdardyń ortasha eńbekaqysy 105 myń bolǵan. Árbir sarbaz «Jasyl el» JEJ úshin arnaıy tigilgen sándi, ári yńǵaıly fırmalyq kıimderge ıe boldy. Belsendi sarbazdardyń atqarǵan eńbekteri eleýsiz qalmaı, áleýmettik jelide daýys berý arqyly úzdik sarbazdar anyqtalyp, olarǵa dıplom jáne aqshalaı syılyqtar tabystaldy.
«Jasyl el» qatysýshylary úshin 2024 jyl tek maýsymdyq jumyspen shektelip qana qoımaı, kóńildi ári aýqymdy is-sharalarǵa toly jyl boldy. Joba bastaýy retinde uıymdastyrylǵan maýsym aıyndaǵy merekelik ashylý saltanatynda arnaıy shaqyrylǵan ánshiler Jazzdauren jáne Zhenis sarbazdar men qala turǵyndary úshin óz ónerin kórsetse, jobany qorytyndylaıtyn jabylý saltanatynda jastar arasynda tanymaldylyqqa ıe óner ıeleri Sanzhar, Alisher Konysbaev, Adil jáne 6ellucsi án shyrqady. Eńbek maýsymynda jumys barysyn qadaǵalaý men sarbazdar qyzmetin baqylaý jumysyn óz moınyna júktegen árbir aýmaqtyń komandırleri arnaıy syılyqtar pen qala ákiminiń atynan alǵys hattarmen marapattaldy. Rýhanı tárbıeni nasıhattaıtyn trenıngter men dárister, qyzyqty eko-aktsııalar men fleshmobtar, sarbazdar asyǵa kútken tımbıldıng oıyndary jastardyń boıynda ekologııalyq qyzyǵýshylyqty oıata bildi.
Jalpyulttyq «Taza Qazaqstan» ekologııalyq aktsııasy sheńberinde uıymdastyrylǵan is-sharalardaǵy «Jasyl el» sarbazdarynyń eńbegin eskerý artyq emes. Eńbek maýsymy barysynda kóptegen sharalarǵa belsene qatysa otyra, týǵan qalamyzdyń kórkeıýine, ekologııalyq ahýalynyń jaqsarýyna, respýblıkalyq mańyzy bar aktsııanyń ólkemizde keń taralýyna septigin tıgizdi. Kúz aılarynda JOO men kolledj stýdentterimen birigý arqyly qala saıabaqtarynda aǵash otyrǵyzý aktsııasy júzege asty. Aktsııa negizinde pıramıdaldy terekter ujymdastyryla otyrǵyzylyp, qalanyń jasyl kórikke ıe bolýyna áser etti.
Qalanyń kógaldanýy bolashaǵymyz úshin mańyzdy is-áreket ekendigi aıqyn. Joǵary deńgeıde júzege asqan «Jasyl el» jobasy kelesi jyly da qataryn birshama sarbazǵa tolyqtyryp, óziniń jalǵasyn tappaq.