Bıyl «Qaraǵandy – Jezqazǵan», «Aqtóbe – Ulǵaısyn» jáne Saryaǵash aınalma jolynyń qurylysy bastalady

ASTANA. KAZINFORM – Úkimet basshysy birneshe óńirde jańa jol qurylysyn bastaýdy tapsyrdy.

- «Qaraǵandy – Jezqazǵan», «Aqtóbe – Ulǵaısyn» jáne «Saryaǵash qalasy aınalma jolyn salý» jobalarynyń daıyndyq deńgeıi joǵary. Jalpy qarjylandyrý máselesi de sheshimin tapty. Biraq ákimshilik rásimder sozylyp ketti. Kólik mınıstrligine bıyl sáýirde qurylys jumystaryna kirisýdi tapsyramyn, - dedi Oljas Bektenov Úkimet otyrysynda. 

Sondaı-aq Premer-mınıstr qoldanystaǵy avtojoldardyń jaǵdaıyn jaqsartý

- Kólik mınıstrligine ákimdiktermen birlesip, barlyq joldyń jaǵdaıyna qatań baqylaý jasap, aqaýlardy ýaqtyly joıyp otyrýdy tapsyramyn. Sondaı-aq, aýyr júk kólikteriniń salmaǵyn ólsheıtin avtomattandyrylǵan júıelerdi ornatý jumysyn jedeldetip, normatıvten asyp ketken jaǵdaıda, jolǵa shyǵýyna ruqsat bermegen jón, - deıdi ol. 

Aıta keteıik, elimizde joldarǵa monıtorıng júrgizetin «E-Joldar» tsıfrlyq platformasy ázirlenip jatyr. 

Buǵan deıin elimizde joldyń sapasyna qatysty turǵyndardan 40 myńnan astam aryz-shaǵym túskenin habarlaǵan edik. 

Odan bólek Úkimet basshysy elimizde jappaı jol apaty jıilep ketkenin aıtty.