Bıyl qansha jasqa «Táýelsizdik urpaqtary» granty beriledi
ASTANA. KAZINFORM — Premer-mınıstrdiń orynbasary — Mádenıet jáne aqparat mınıstriniń buıryǵymen «Táýelsizdik urpaqtary» grantynyń bıylǵy sany men mólsheri bekitildi.
— 2026 jyly «Táýelsizdik urpaqtary» grantynyń mólsheri 3 000 000 (úsh mıllıon) teńge, al sany 30 grant bolyp belgilensin, — delingen qujatta.
Buıryq qol qoıylǵan kúnnen bastap, ıaǵnı 2026 jyldyń 3 sáýirinen kúshine endi.
Aıta keteıik, «Táýelsizdik urpaqtary» granty QR Úkimetiniń qaýlysymen 2021 jyly taǵaıyndaldy. Grant berýdegi maqsat — belsendi shyǵarmashyl jastar qaýymdastyǵyn qalyptastyrý, jastardyń jańa jáne qoldanystaǵy bastamalaryn memlekettik qoldaý. Onyń mólsheri men sanyn Úkimet jyl saıyn belgileıdi.
Sondaı-aq, buǵan deıin volonterlik bastamalarǵa arnalǵan grant baıqaýy bastalǵanyn jazǵanbyz.
