Bıyl qandaı taýar túrlerine mindetti tsıfrlyq tańbalaý engiziledi
ASTANA. KAZINFORM – Saýda jáne ıntegratsııa vıtse-mınıstri Áset Núsipov bıyl qandaı taýar túrlerine mindetti tsıfrlyq tańbalaý engiziletinin aıtty.
Ortalyq kommýnıkatsııalar qyzmetinde ótken brıfıng barsynda ol jeńil ónerkásip buıymdary, syra, motor maılary jáne zergerlik buıymdar úshin mindetti tsıfrlyq tańbalaý engiziletindigin málim etti.
- Sondaı-aq, bıologııalyq belsendi qospalar, kıik múıizinen jáne turmystyq hımııadan jasalǵan ónimderdi tańbalaý boıynsha pılottyq jobalar iske asyrylyp jatyr. Júıe ónimniń óndirýshiden tutynýshyǵa deıingi jolyn baqylaýǵa, kóleńkeli naryq kólemin azaıtýǵa jáne salyq jınaýdy arttyrýǵa múmkindik beredi, - dedi ol.
Taıaýda Ónerkásip jáne qurylys mınıstrligi Ónerkásip komıteti tóraǵasynyń orynbasary Muhamed Andakov taýarlardy tańbalaý kóleńkeli ekonomıkaǵa qarsy kúrestegi mańyzdy qural ekenin aıtqan edi.