Bıyl qandaı óńirlik joldardyń qurylysy bastalady
ASTANA. KAZINFORM — Búgin Úkimet otyrysynda Kólik mınıstri Nurlan Saýranbaev bıyl qandaı óńirlik joldardyń qurylysy bastalatynyn atady.
- Negizgi tranzıttik baǵyttarmen qatar óńirlik jáne áleýmettik mańyzy bar jobalardy, atap aıtqanda, Qaraǵandy-Jezqazǵan jáne Ortalyq-Batys baǵyttaryn damytý da erekshe nazarda. Atalǵan jobalar boıynsha jumystar jasalyp jatyr. Qurylys jumystaryn osy jyldyń mamyr aıynda bastaımyz, - dedi ol.
Mınıstrdiń málimetinshe, Qyzylorda-Aqtóbe eń mańyzdy dálizdiń ishine kiredi. Bul ýchastok Batys-Eýropa – Batys-Qytaı jáne Reseı men Ortalyq Azııa baǵyttarynyń qosylatyn arnasy bolyp esepteledi.
- Qyzylorda-Aqtóbe jobasy 3 ýchaskege bólingen. Aqtóbe-Ulǵaısyn jáne Sekseýil-Qyzylorda qurylysy osy jyly bastalady. Al Ulǵaısyn-Sekseýildi kelesi jyly bastaımyz. Jospar boıynsha úsh ýchaskiniń jumystaryn bir ýaqytta bitirýimiz qajet, - dedi Nurlan Saýranbaev.
Aıta keteıik, Úkimet aldaǵy 3 jylda 32 myń shaqyrym óńir joldarynyń normatıvtik deńgeıin 95 paıyzǵa deıin kóterýdi josparlap otyr.