Bıyl ırrıgatsııa júıelerindegi sý shyǵyny 250 mln tekshe metrge deıin azaıdy
ASTANA. KAZINFORM – Bıyl Sý resýrstary jáne ırrıgatsııa mınıstrliginiń Sý sharýashylyǵy komıteti ırrıgatsııalyq jáne drenajdyq júıelerdi qalpyna keltirý jumystary aıasynda 8,47 km kanal, 11,2 km kollektorlyq-drenajdyq júıe jáne 27 uńǵymany rekonstrýktsııadan ótkizdi.
Sý resýrstary jáne ırrıgatsııa mınıstrliginiń málimetinshe bul sharalar nátıjesinde ırrıgatsııalyq kanaldardaǵy sý shyǵynyn jylyna 250 mln tekshe metrge deıin qysqartýǵa jáne 95 myń gektar alqapty sýarmaly sýmen qamtamasyz etýdi jaqsartýǵa múmkindik beredi.
— Sý sharýashylyǵy men ırrıgatsııalyq júıelerdi damytý úshin qazir 14 iri joba iske asyrylyp jatyr, olar 2026-2027 jyldary aıaqtalady. Budan bólek, taǵy 211 jobanyń jobalaý-smetalyq qujattary daıyndalyp jatyr, — dedi Sý resýrstary jáne ırrıgatsııa mınıstrliginiń Sý sharýashylyǵy komıtetiniń tóraǵasy Arsen Jaqanbaev.
Aıta ketelik 2026 jyly Sý resýrstarynyń ulttyq aqparattyq júıesi iske qosylady.