Bıyl halyqty tegin emdeıtin klınıkalardyń 64 paıyzy — jekemenshik

ASTANA. KAZINFORM — Áleýmettik medıtsınalyq saqtandyrý qory 2024 jylǵa arnalǵan medıtsınalyq qyzmetterdi satyp alý rásimin aıaqtady. 2024 jylǵa arnalǵan satyp alý josparynda 2,8 trln teńgeden astam qarajat qarastyrylǵan, onyń 1,2 trln teńgesi — MÁMS qarajaty. 

2024 jyly densaýlyq saqtaý sýbektilerinen qyzmetterdi satyp alý erejesine birqatar ózgeris engizildi.

• Birinshiden, óńirlik komıssııalardyń quramy kúsheıtildi (komıssııa tóraǵasynyń orynbasary bolyp basshynyń orynbasarynan tómen emes deńgeıdegi densaýlyq saqtaý basqarmasynyń ókili aıqyndaldy, sondaı-aq sanıtarııalyq-epıdemıologııalyq baqylaý jáne medıtsınalyq jáne farmatsevtıkalyq baqylaý komıtetteriniń ókilderi engizildi).
• Ekinshiden, sany 1500 adamnan kem alǵashqy medıtsınalyq sanıtarlyq kómek kórsetetin (ary qaraı MSAK) sýbektileriniń qyzmetterin satyp alýǵa qatysý úshin jáne TMKKK sheńberinde MSAK qyzmetterin kórsetý tájirıbesi bir jyldan artyq 3000 adamnan kem halqy bar MSAK sýbektilerine shekteý engizildi (bul jalpy praktıka dárigeriniń/otbasylyq dárigerdiń keminde eki ýchaskesi);
• Úshinshiden, statsıonardy almastyratyn kómek kórsetý standarttaryna sáıkestigi úshin kúndizgi statsıonarlar ambýlatorııalyq jáne (nemese) statsıonarlyq jaǵdaılarda medıtsınalyq kómek kórsetetin densaýlyq saqtaý uıymdarynyń, onyń ishinde ǵylymı uıymdardyń janynan uıymdastyrylady.

Sondaı-aq, erejege komıssııa músheleriniń buryn málimdelgen kómek túrlerine shart jasaspaǵan densaýlyq saqtaý sýbektilerine barýy qosyldy.

2023 jyldyń jeltoqsanynda medıtsınalyq uıymdardan ótinim qabyldandy.

Qarajatty bólý rásiminiń qorytyndysy boıynsha 2024 jylǵa medıtsınalyq uıymdar arasynda shamamen 2,4 trln teńge ornalastyryldy.

Jańa medıtsınalyq uıymdardan 209 ótinim tústi, onyń ishinde óńirlik komıssııalar satyp alý rásimin ótkizý barysynda 117 densaýlyq saqtaý sýbektisine bardy.

Atalǵan ózgerister azamattar úshin medıtsınalyq kómektiń qoljetimdiligin arttyrý jáne ony usyný sapasyn jaqsartý úshin qabyldanyp otyr.

MÁMS júıesin engizý azamattarǵa medıtsınalyq kómek kórsetýge jekemenshik medıtsınalyq uıymdardy da tartýǵa múmkindik berdi.

Bıyl qor 1921 medıtsınalyq uıymmen kelisimshart jasasty, onyń 64% — jekemenshik bolsa, 36% — memlekettik.

Osylaısha, MÁMS klınıkalardyń patsıent úshin básekelestigin yntalandyrady.

Patsıentte qandaı da bir medıtsınalyq qyzmetti qaıdan alatynyna tańdaý múmkindigi týǵandyqtan, medıtsınalyq uıymdar jaqsyraq jaǵdaı jasap, patsıentterdi tartý úshin qyzmetti jetildirýi kerek.

Qormen shart jasasqan medıtsınalyq uıymdardyń tizimin fms.kz saıtyndaǵy «Medıtsınalyq qyzmetterdi satyp alý» bóliminen tabýǵa bolady.