Bıyl fermerlerge 750 mlrd teńge bólinedi – «Báıterek» holdıngi
ASTANA. KAZINFORM — «Báıterek» UIH» AQ Basqarma tóraǵasy Rýstam Karagoıshın osy fermerlerge qarajat bólýge qatysty túsinik berdi.
- Kóktemgi egis jáne jınaý jumystaryn qoldaý maqsatynda «Keń dala 2» nesıeleý baǵdarlamasy iske asyrylyp jatyr. Kredıtter 18 aıǵa deıin merzimge jyldyq 5 paıyzben beriledi. Agrarlyq nesıe korporatsııasy qarjylandyrýdyń qoljetimdiligin arttyrý aıasynda 36 aıǵa deıin merzimine ashyldy. Bul qaryz alýshyǵa qujattardyń tolyq paketin usynbaı-aq qaıta kredıt alýǵa múmkindik beredi. Sonymen qatar, fermerlerge yńǵaıly bolý úshin kredıttik ótinimderdi onlaın qabyldaıtyn júıe jumys isteıdi. 2026 jylǵy maýsymnyń kóktemgi egis jáne jınaý jumystaryna, jeńildikpen kredıt berýge ótinimder ótken jyldyń qazan aıynnan qabyldana bastady. Qarasha-jeltoqsan aılarynda erte qarjylandyrýǵa 148 mlrd teńge berildi, al qazirgi ýaqytta kredıttiń jalpy somasy 534 mlrd teńgeden asty, - dedi R.Karagoıshın Úkimet otyrysynda.
Onyń aıtýynsha, osy jyly kóktemgi egis jáne egin jınaý jumystaryna keminde 750 mlrd teńge bólinbekshi, bul 9 myń aýyl sharýashylyq kásipkerin kamtyp, 9 mln gektar jerdi ıgerýdi qamtamasyz etedi.
- Aıta ketý kerek, 2023 jylmen salystyrǵanda, kóktemgi egis jáne egin jınaý jumystaryna qarjylandyrý 5 ese ósti. Qaryz alýshylardy kóbirek qamtý úshin kredıt tikeleı Agrarlyq nesıe korporatsııasynyń fılıaldary arqyly jáne qarjy ınstıtýttary arqyly da beriledi. Basqa qarjy ınstıtýttary arqyly berilgen barlyq nesıelerdiń úlesi shamamen 72%-ǵa jetti, - dedi «Báıterek» UIH» AQ Basqarma tóraǵasy.
Budan buryn habarlanǵandaı, bıyl eldegi jalpy egis alańy 23,8 mln gektar boldy.
