Bıyl Ertis-Baıan óńirine keletin týrıster sany kúrt kóbeıedi
PAVLODAR. KAZINFORM — Pavlodar oblysynyń tabıǵaty men týrıstik nysandaryn qyzyqtap keletinderdiń sanyn 282 myńǵa deıin jetkizý josparlanyp otyr. Bul rette sheteldik týrıster aǵyny úsh esege ósýi yqtımal.
2025 jyly Pavlodar oblysyna 240 myńnan astam týrıst kelse, olardyń 160 myńnan astamy Baıanaýyl kýrorttyq aımaǵyn tańdaǵan.
— Bıyl óńirge keletin týrıster sanyn 282 myńǵa deıin jetkizý josparda tur. Ásirese sheteldikterdiń sany kóbeıýi kerek dep oılaımyz. Oblys boıynsha búginde demalys oryndary 7%-ǵa ósip, 10 myńnan astam tósek-orynǵa jetti. Al kórsetilgen qyzmet kólemi 28%-ǵa artty. 2025 jyly salaǵa tartylǵan ınvestıtsııa kólemi 21,4 mlrd teńgeni qurap, jospardan aıtarlyqtaı asyp tústi. 2026 jyly da ósim jalǵasady dep kútilip, — dep habarlady oblys ákimdiginen.
Óńirde jaz ýaqytynda 45 jaǵajaı jumys isteıdi. Olardyń ishinde 18-i ǵana jabdyqtalyp, kásipkerlerge bekitilgen.
Baıanaýylda Sabyndykól jaǵajaıyn abattandyrý men baqylaý alańyn salý jobalary júzege asyrylǵan. Aýdanda vızıt-ortalyqtyń qurylysy jalǵasýda. Jasybaı kóliniń jaǵajaıyn aýqymdy túrde abattandyrý josparda bar.
Sonymen qatar Pavlodarda Novotel brendimen qonaqúı, akvapark, eko-qalashyq jáne mádenı-demalys ortalyǵyn salý sııaqty iri ınvestıtsııalyq jobalar iske asyrylyp jatyr.
Buǵan deıin ishki týrızmdi qalaı qoljetimdi ári sapaly etýge bolatyny týraly jazǵanbyz.
