Bıyl Ertis-Baıan óńirinde 18 myń adamdy jumyspen qamtý kózdelip otyr
PAVLODAR. KAZINFORM - Pavlodar oblysynda jyl basynan beri 4,4 myńǵa jýyq adam eki qolǵa – bir kúrek tapqan. Onyń ishinde 2,1 myńnan astam adam sýbsıdııalanatyn jumys oryndaryna turǵan.
Óńir boıynsha bıyl barlyǵy 18 myńǵa jýyq adamdy jumyspen qamtý mindeti tur.
- Bıyl Pavlodar oblysynda 18 myńǵa jýyq adamdy jumysqa ornalastyrý mindeti tur. Onyń ishinde 14 myń adam turaqty jumys oryndaryna turýy tıis. 2026 jyldyń alǵashqy toqsanynyń qorytyndysy boıynsha 4,4 myńǵa jýyq adam jumyspen qamtyldy. Óńirlik jumyspen qamtý kartasy josparǵa sáıkes iske asyrylyp jatyr, - dep habarlady oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Samal Qadyrova.
Aımaqta jyl basynan beri 2,2 myń adam turaqty jumysqa ornalastyrylsa, 2,1 myńnan astam adam sýbsıdııalanatyn jumys túrlerimen qamtylǵan. Taǵy 1,2 myńǵa jýyq adam bos jumys oryndary arqyly jumysqa turǵan.
Eske sala keteıik, elimizde árbir úshinshi adam mamandyq boıynsha jumys istemeıdi.
