Bıyl energetıka jáne kommýnaldyq sektorlarǵa qatysty ulttyq joba qabyldanady

ASTANA. KAZINFORM – Bıyl energetıkalyq jáne kommýnaldyq sektorlardy jańǵyrtý jónindegi ulttyq joba qabyldanady. Bul týraly Úkimette ótip jatqan brıfıngte Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.

- Úkimet ınvestıtsııalardy yntalandyrý men ekonomıkany ártaraptandyrý jónindegi belgilengen jospardy iske asyrýdy jalǵastyrýda. Munaı-gaz hımııasy, mashına jasaý, metallýrgııa jáne agroónerkásip kesheninde joǵary qaıta bólýdiń 17 iri jobasy iske asyryla bastady. Ekonomıkaǵa úlken ınvestıtsııalar quıylyp jatyr. Bıyl tek Memleket basshysynyń aýqymdy bastamalaryn iske asyrý aıasynda konomıkany qarjylandyrý úshin 2 trln teńgeden astam ınvestıtsııa tartyldy. Bul turǵyn úı qurylysyna, óńirlerdi gazdandyrýǵa, kólik ınfraqurylymyn jańartýǵa jáne basqa da áleýmettik jobalarǵa baǵyttaldy, - dedi Nurlan Baıbazarov.

Vıtse-mınıstrdiń aıtýynsha, bıyl jalpy somasy 40 trln teńgege jýyq ulttyq ınfraqurylymdyq jospardy 2029 jylǵa deıin iske asyrý bastaldy.

- Osy jyly jalpy somasy 40 trln teńgege jýyqtaıtyn 2029 jylǵa deıingi ulttyq ınfraqurylymdyq jospardy iske asyrý bastaldy. Bıylǵy jyldyń sońyna deıin Energetıkalyq jáne kommýnaldyq sektorlardy jańǵyrtý jónindegi ulttyq joba qabyldanady», - dedi ol.

Eske salsaq, buǵan deıin Ulttyq ekonomıka mınıstri Nurlan Baıbazarov teńgeniń álsireýiniń 3 faktoryn atady.

Sonymen qatar aldaǵy aqpanda turaqtandyrý qorlarynan kókónister naryqqa shyǵaryla bastaıtynyn jetkizdi.