Bıyl elordada 236 myńnan astam kásipker aktıvteri týraly deklaratsııa tapsyrýy tıis
ASTANA. KAZINFORM – 2024 jylǵy 1 qańtardan bastap Astanada tirkelgen 236 myńnan astam kásipker men olardyń jubaılarynda jalpyǵa birdeı deklaratsııalaýdyń 3 kezeńi aıasynda aktıvter men mindettemeler týraly deklaratsııany usyný boıynsha mindetteme týyndaıdy. Bul týraly elorda ákimdiginiń resmı saıty jazdy.
Onyń ishinde 70 597 (nemese 30%) deklaratsııa tapsyrdy, 165 404 (nemese 70%) jeke tulǵalar áli tapsyrǵan joq.
«Osy kezeńde aktıvterdi deklaratsııalaý jónindegi mindetteme zańdy tulǵalardyń basshylarynda, quryltaıshylarynda (qatysýshylarynda), dara kásipkerlerde jáne olardyń jubaılarynda, onyń ishinde áreketsiz salyq tóleýshilerde jáne qyzmetin toqtatqandarda týyndaıdy», — delingen habarlamada.
2023 jyldan bastap memlekettik mekemeler men kvazımemlekettik sektor qyzmetkerleri men olardyń jubaılary aktıvteri men mindettemeleri týraly deklaratsııa (120 681 JT) tabys etti, onyń ishinde 3 246 jeke tulǵa ákimshilik jaýapkershilikke tartyldy.
